مريهان”الموديل” اتهمت زميلها لإقصاءه من انتخابات اتحاد الطلاب.. و”زكي بدر” استاء من الواقعة

حوار مع طالب الألسن الذي تعرض للابتزاز من الموديل مريهان

بوابة الحدث – محمد الإمبابي

ثلاثي المنتخب المصري(كوكا، وردة، الونش) ليسوا أول ضحايا الموديل “مريهان” بل سبقهم محمد صلاح طالب كلية الألسن الذي اتهمته بالتحرش، في سبيل ابتزازه لإقصائه من انتخابات الاتحادات الطلابية داخل جامعة عين شمس، وبعد سنوات من واقعة أبو صلاح، ظهرت مريهان لتحتل أخبارها معظم الصحف والمواقع بعد اتهامها لثلاث لاعبين من المنتخب المصري.

صلاح الأن مقيم بالمملكة العربية السعودية ويعمل بواحدة من أشهر سلاسل المطاعم في العالم، بوابة الحدث تواصلت معه وحاورته عن ماحدث بالتحديد من الموديل “مريهان” وما سبب استجابته حينها للضغوط التي مارستها عليه والتي انتهت بانسحابه من انتخابات الاتحادات الطلابية.

 ما سبب نشرك للبوست؟

تفاجئت أن الناس بتقطع في وردة ولاعيبة المنتخب و أنه سيتم استبعاد لعيبة في وقت صعب أوي وبسبب إنها حد أنا  عارفه شخصيا وعارف هي عملت إيه قبل كدة فحبيت أوضح للناس.

ماهي تفاصيل الواقعة؟

باختصار كنت في قائمة قوية وكنت مرشح اني امسك أمين اتحاد طلاب كلية الألسن ولكن قبل الانتخابات حصلت خناقة واتفاجئت أن ميريهان بتتهمني شخصيا بالتحرش .. واتفاجئت أن اكتر من حد بينصحني بالانسحاب عشان الموضوع هيكبر والبنت فعلا مش كويسة .. حاولت أوضح موقفي لكن حسيت اني هكون مشكلة كبيرة  للقائمة بتاعتي  فانسحبت أو استبعدت.

هل حدث تحقيق رسمي في الموضوع؟

ماحصلش تحقيق رسمي 100٪ لإن الأحداث كانت سريعه جدا .. وناس قالتلي أنت تقدر تنكر اللي حصل ومينفعش وقت الانتخابات يحصل كدة و واضح أنه كيدي .. وناس تانيه كلمتني إنها هتعمل مشاكل واضغط عليا نفسيا جداا .. وفي الاخر قررت انسحب ومضيت علي ورقه تفيد الانسحاب وكملت الانتخابات لكن بصورة غير رسميه .. ودخل مكاني عمرو كأمين اتحاد ومحمد سمير كمساعد وكلهم نفس القائمه وكانو بيعاملوني كإني أمين الاتحاد فعلا.

هل أجبرك أحمد زكي بدر على الاستقالة؟

دكتور أحمد لم يجبرني علي الانسحاب ولكن لما قابلته مع دكتورة أمال كان واضح أنه مستاء من المشاكل اللي حصلت .. وقال ما معناه دي شئون داخليه .. وبعد ما خرجنا دكتور امال قالتلي متزعلش اهم حاجه القائمه تنجح …لكن دكتور احمد لم يجبرني.

ولماذا إذن انسحبت؟

أول سبب وقتها حسيت إن لو القائمة كسبت بالكامل هو مكسب ليا .. ثانيا كنت عايز أكد للجميع  إن الموضوع كله اتعمل عشان الانتخابات ولو انسحبت هي هتسكت وكأن مفيش أي حاجه حصلت.

لماذا اتهمتك تحديدا؟

اتهمتني تحديدا لإني كنت علي رأس القائمة .. والشباب اللي كانوا ضدي في الانتخابات وجهوا ميريهان لكدة، على حسب معلوماتي وقتها.

مالذي دفعك لكشف هذه الواقعة الأن؟

شفت بوست عن ميريهان تقريبا أو بنت كاتبة أن دول اللاعيبة اللي هيفرحوا الشعب الغلبان، ومكنتش اعرف إنها ميريهان.. أول ما شفت صورتها صعب عليا جدا وردة والونش واللاعيبة دى، حسيت إنهم اضحك عليهم واتعمل ليهم مصيدة، وموضوع استبعاد. لاعيبه في الوقت دة صعب جدا ….. . وفي الأخر أزمة ونتعلم منها لكن مينفعش يحصل استبعاد للاعيبة أو ما شابه ذلك وان شاء الله وردة يدخل جون ويعقل كدة.

في رأيك لماذا قامت مريهان باتهام لاعبي المنتخب بالتحرش؟

اللي فهمتو إنها بتزود عدد المتابعين عشان شغاله في شركه مش عارف إيه اسمها ..وده هيفدها في مجال شغلها عشان شغلها بيعتمد علي عدد الفولولز بتاعها.

الوسوم

مقالات ذات صلة

إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock